Frumsýning á nýrri íslenskri mynd eftir Magnús Jónsson. Myndin var að mestu framleidd án styrkja og var öll tekin upp á aðeins 9 dögum.

Ungan bónda dreymir um að verða leikari í bíómynd en það vill enginn leika við hann. Fastur í eigin heimi leikur hann senur úr gömlum bíómyndum við sjálfan sig, allan liðslangan daginn. Dag einn ákveður hann að láta draum sinn rætast og rænir 5 listamönnum úr borginni. Leikkonu, rithöfundi, tónlistarmanni, leikstjóra og myndlistarmanni og neyðir þau til að gera bíómynd með sér með gömlu VHS vélinni sinni úti í hlöðu.