Sprettfiskur

Sprettfiskur er stuttmyndakeppni Stockfish hátíðarinnar. Markmið keppninnar er að vekja athygli á ungu og upprennandi kvikmyndagerðarfólki og hvetja til frekari dáða með verðlaunum sem leggja grunninn að næsta verkefni. Dómnefnd er ávallt skipuð kvikmyndagerðarfólki og velur nefndin vinningsmynd sem verður tilkynnt á lokahófi hátíðarinnar.

Sigurvegari Sprettfisksins fær í verðlaun eina milljón króna úttekt hjá Kukl í formi tækjaleigu á kvikmyndabúnaði. Kukl er stærsta tækjaleiga landsins sem sérhæfir sig í þjónustu við kvikmynda- og sjónvarpsgerð. Sigurvegarinn mun því hafa aðgang að fullkomnum búnaði fyrir næsta verkefni.

Árið 2017 vann myndin C-vítamín í leikstjórn Guðnýjar Rósar Þórhallsdóttur en árið 2016 var það myndin Like it’s up to you í leikstjórn Brynhildar Þórarinsdóttur. Þær myndir sem voru valdar á síðustu hátíð hafa í samvinnu við Stockfish Film Festival og Íslandsstofu verið sýndar í norður Ameríku og Kanada en nokkrar þeirra voru einnig sýndar á Zubroffka stuttmyndahátíðinni í Póllandi sem var samvinnuverkefni hátíðanna.

Stuttmyndirnar mega vera að hámarki 30 mínútur og ekki eldri en ársgamlar. Hátíðin gerir þá kröfu að myndirnar hafi ekki verið sýndar opinberlega og að þær verði frumsýndar á hátíðinni. Aðeins íslenskar stuttmyndir koma til greina, eða myndir sem skarta íslenskum leikstjórum eða framleiðendum. Athugið að myndirnar verða sýndar með enskum texta (ef þær eru ekki með ensku tali).

Skilafrestur er til 28. janúar og verða sex til átta myndir valdar á hátíðina sem munu síðan keppa um verðlaunin Sprettfiskur 2018. 

Allar umsóknir skulu sendar á stockfish@stockfishfestival.is með eftirfarandi upplýsingum:
Nafn myndar (ef hún ber ekki enskt heiti þarf það að fylgja með)
Nafn leikstjóra
Nafn framleiðanda
Lengd myndar
Stutt synopsis (á ensku og íslensku)
Útgáfudagsetning
Hlekkur á myndina ásamt lykilorði ef þarf
Tengiliðaupplýsingar

Fréttir

Stockfish one of 30 “Best Must-Attend Global Festivals!”

Lesa meira

Sigurvegari Sprettfisks!

Lesa meira

Síðustu dagar Stockfish

Lesa meira
Skoða eldri fréttir

Styrktaraðilar