Sprettfiskur

– ENGLISH – 

Stockfish_official_selection_2017Sprettfiskur er stuttmyndakeppni Stockfish Film Festival.

Frumsýning –  27. febrúar kl 18 / Q&A
Önnur sýning – 2. mars kl 22.30
Kaupa miða

Þær myndir sem ekki eru með ensku tali eru sýndar með enskum texta.

Verðlaunaafhending fer fram á lokahófi Stockfish þann 4.mars. Sigurvegari Sprettfisksins í ár hlýtur í verðlaun 1 milljón kr. í tækjaúttekt hjá Kukli.

 

Fjölmargar umsóknir í keppnina bárust í ár en að endingu voru eftirfarandi sex stuttmyndir valdar til þátttöku í keppninni um Sprettfiskinn 2017:

Arnbjörn
Þrátt fyrir að þekkja allar fjölskyldur landsins betur en nokkur annar, hefur Arnbjörn ættfræðingur aldrei átt fjölskyldu sjálfur.
Leikstjórn: Eyþór Jóvinsson

C – Vítamín
Tvær ungar stelpur, Alda og Karen, safna dóti í tombólur sem þær segja að sé til styrktar langveikum börnum.
Leikstjórn: Guðný Rós Þórhallsdóttir

In the Dark Room
Kona, B, er orðin þreytt á gráum hversdagsleikanum í leiðinlegu blokkinni sinni þar sem hún býr með manninum sínum og tveim börnum.
Leikstjórn: Anna María Helgadóttir

Kalí’s Solitude
Ung stúlka í fjarlægri framtíð glímir við einmanaleika og mengun.
Leikstjórn: Jonni Ragnarsson

That’s what friends are for
Álfabikarinn hennar Annelie er fastur inni í henni og Lovisa reynir að hjálpa til. That’s what friends are for er kvikmynd um vináttu og lofsöngur leikstjórans til stelpna, blóðs, naglalakks og kynlífsleikfanga.
Leikstjórn: Brynhildur Þórarinsdottir

VAKA
Í fangelsi afneitunar reynir ung stúlka að endurheimta það sem hún hefur áður misst.
Leikstjórn: Teitur Magnússon

Dómnefnd skipa:
Steinunn Ólína Þorsteinsdóttir
Baldvin Z
Rakel Garðarsdóttir

 

kukl

Stuttmyndin Like it’s up to you eftir Brynhildi Þórarinsdóttur hlaut Sprettfiskinn 2016. Auk titilsins Sprettfiskur 2016 hlaut Brynhildur Canon EOS 70D vél frá Nýherja, umboðsaðila Canon á Íslandi.

Stuttmyndin Foxes hlaut Sprettfiskinn 2015, sem leikstýrt er af Mikel Gurrea og framleidd af Evu Sigurðardóttur og Askja Films. Í umsögn dómnefndar segir að Foxes sé heilsteypt og einlægt verk sem á erindi við nútímann. „Næmni höfundar fyrir persónusköpun er áþreifanleg, um leið og leikstjórn er sannfærandi og örugg. Í einfaldri sögu er dregin upp mynd af raunveruleika sem ófáir munu kannast við“.