Julián er grafískur hönnuður sem starfar hjá tölvuleikjafyrirtæki. Í sínu daglega lífi er hann feiminn, einangraður og vinnur mikið heima. Dag einn bjargar hann ungum dreng í næstu íbúð úr eldsvoða en við það þróar hann með sér þráhyggju sem á sér ekki samleið með samfélaginu. Síðar eignast hann kærustu sem deilir ekki nýfenginni lífsýn hans. Rómantískt samband þeirra kemur ekki í veg fyrir ásókn myrkra hugsana og minninga sem umturna lífi hans.